ශ්රී ලංකාවේ නීති පද්ධතිය ඉංග්රීසි පොදු නීතිය, රෝම-ලන්දේසි නීතිය, මුස්ලිම් නීතිය සහ චාරිත්රානුකූල නීතිවල අතිශය සංකීර්ණ මිශ්රණයකි. අපරාධ නීතියේ සහ ක්රියා පටිපාටියේ පදනම ඉංග්රීසි පොදු නීතියයි. ශ්රී ලංකාව බ්රිතාන්ය අධිරාජ්යයේ යටත් විජිතයක් වූ පසු බ්රිතාන්ය නීති ක්රමයෙන් ජාතිය පුරා ක්රියාත්මක විය.
සිවිල් නඩු “දිසා අධිකරණ” මගින්ද, අපරාධ නඩු “මහේස්ත්රාත් අධිකරණ” සහ “මහාධිකරණ” මගින්ද විභාග කෙරේ. මෙම නඩු විභාග අධිකරණවල තීරණ වලින්, අභියාචනයක් “අභියාචනාධිකරණයට” සහ පසුව “ශ්රේෂ්ඨාධිකරණයට” පැවරේ.
ශ්රී ලංකාවේ නීතිය හදන්නේ පාර්ලිමේන්තුවයි. මෙයින් අදහස් කරන්නේ ඔබ ඡන්දය දුන් පුත්ගලයා බුද්ධිමත් වුවත් මෝඩ වුවත් රටට නීති සපයන්නන් බවට ඔබ පත්කරයි.
නීති පාර්ලිමේන්තුවේ පනත්වල ප්රකාශයට පත් කෙරේ. “ආඥාපනත” යන යෙදුම බොහෝ දුරට බ්රිතාන්ය පාලන සමයේදී සම්මත කරන ලද නීතිවලට යොමු වේ, “නීතිය” හෝ “පනත” යන යෙදුම වඩාත් මෑත කාලීන නීති සම්පාදනය කරයි. බොහෝ නීති හෝ රෙගුලාසි රජයේ ගැසට් පත්රයේ පළ කෙරේ.
ජාතිය, ස්ත්රී පුරුෂ භාවය, වර්ණය, වාර්ගිකත්වය, ආගම, ආබාධිත හෝ වෙනත් ලක්ෂණ නොසලකා, වරප්රසාද, වෙනස් කොට සැලකීම හෝ පක්ෂග්රාහී වීමකින් තොරව නීතිය යටතේ සැමට සමානව සැලකිය යුතුය. එය ශ්රී ලංකාවේ සිදුවන බව ඔබ විශ්වාස කරනවාද?
